Back Thracië Afrikaans ጥራክያ Amharic Tracia AN Tracia ANG تراقيا Arabic تراقيا ARZ Tracia AST Frakiya Azerbaijani تراکیا AZB Фракия Bashkir
Thrakie (latiin. Thracia, noigriech. Θράκη/Thráki, bulgarisch Тракия/Trakija, türkisch Trakya), au Thrazie, isch e Landschaft uf dr östlige Balkanhalbinsle, wo hüte zu de Staate Bulgarie, Griecheland und Türkei ghöört. S östlige Thrakie isch dr öiropäisch Däil vo dr Türkei.
D Iiwooner vo Thrakie hützudaag si im bulgarische Däil vor allem Bulgare, Pomake und Türke, im griechische Grieche und im türkische Balkan-Türke und ethnischi Albaner und Bosnier.
In dr Antike isch s thrakische Gebiet im Süde bis zum Egeische Meer und Propontis (hüte Marmarameer) gange und im Oste bis zum Schwarze Meer. Wo sini Nord- und Westgränze gsi si, wäiss mä nume weenig.
Dr Naame vo dr Regioon chunnt vom Volk vo de Thraker, wo dört um 450 vor dr Zitwändi e Riich ghaa häi.